xwendin: 159

ئینیسییاتیفا رەوشەنبیرێن کورد

رەوشەنبیرێن کورد یێن ھێژا!

 

ئەم زارۆکێن کوردستانێ نە، یا کو ئاخا وێ د بن داگرکەرییێ دە، پەروەردەییا زمانێ زکماکی ژی د ناڤ دە، تەڤایی مافێن وێ ھاتنە بنپێکرن.

 

د ڤێ دەمێ دە، کو دژی گەله‌ک باژار و دەڤەرێن مە شەرەکی ھۆڤانە تێ مەشاندن، وەلاتێ مە تێ وێرانکرن، دخوازن داھاتییا مە تاری بکن، وەکی پێدڤییا بەرپرسیارییا رەوشەنبیری دژی رەوشا ھەیی، ئەم نکارن بێ ھەلوەست بمینن. د ڤێ واتەیێ دە ھەولدانا سازیبوون و خوەبرێکخستنا رەوشەنبیرێن کورد یێن جیھانێ و ب تایبەت ئەورۆپایێ پێدڤییەکا دیرۆکی یە.

 

ب لەزگینی پێدڤی ب یەکیتییەکی وسان ھەیە کو دژی کۆمکوژیێن ل ھه‌مبەر گەلێ مە بەردەوام دکن، بێی خوە بسپێرن تو تەڤگەرێن لەشکەری و سیاسی. یەکیتییەکی ئازادی و رزگارییا مە بۆ خوە بنگەھ بگرە، بەرژەوەندییێن مە یێن نەتەوی سەر پارتییان رە بگرە. یەکیتییەک خزمەتا رزگارییا گەلێ کوردستانێ و خاکا کوردستانێ بکە کو د رەوشا داگیرکەرییێ ژی ژێرتر دە یە. ب ڤێ هه‌لکه‌فتێ ئەم ب بەرپرسیارییەکا وسان ڤە بەرامبەری ھەڤن کو داوی ب داگیرکارییا ل سەر وەلاتێ مە یا سیاسی و لەشکەری یا دەستھه‌لاتێن ترک-ئەرەب و فارسان بینن. بەلاڤبوونا خوە وەرچەرخیننە یەکیتییەکا نەتەوی و ب زانەبوونا داد و دەمۆکراسییێ یا کو دەستھه‌لاتییا مە یا نەتەوی بنگەھ بگرە، تەڤبگەرن.

 

ژ بۆ ئەم رەوشێ ب رەنگەکی راستەقین شرۆڤە بکن، ھزرێن ستراتەژیک یێن سووددار بئافرینن، بۆ تەڤگەرێن سیاسی پشتەڤانییەکا ئەنتەڵەکتوەل راڤە بکن، ئەم پێشنیار دکن د بن ناڤێ “دەستپێشخەرییا رەوشەنبیرێن کوردستانێ” دە ل تەڤایا ئەورۆپایێ زەمینێ گۆتوبێژەکا بەرفرەھ بئافرینن و د ئەنجام دە د کۆنفەرانسەکێ دە ل ھەڤ بجڤن.

 

وەکی تێ زانین مرۆڤێ رەوشەنبیر ئەو کەسە یێ ئازادییا وێ جڤاک و وی گەلی دپارێزە یێ کو د ناڤ دە دژی. ئەو کەسە یێ رەوشا دیرۆکی و جڤاکی ب رەنگەکی راست ڤەدکۆلە، گرفتان ئاشکەرە دکە و ب زانەبوونا ڤێ بەرپرسیارییێ ژ بۆ پێکھاتنا مەرجێن ژیانەکا خوەشتر و ژیاندار تێدکۆشە. د ئەنجاما پارچەبوونا کوردستانێ، مەرجێن داگیرکەرییێ و بەلاڤبوونا جیھانێ دە ل ئەورۆپایێ پانەبەرییەکا کورد پێکھاتییە. ئیرۆ ھەڤگرتنا رەوشەنبیرێن کورد ژ ھەموو دەمان بێھتر پێوستە. پێدڤییەکا لەزگین ب پێکھاتنەکا برێکخستی ھەیە کو د گەل تەکۆشینا ئازادییێ دا کو ل ھەر چار پارچەیێن کوردستانێ ددۆمە ب بەرپرسیارییەکا رەوشەنبیری پشتەڤانییا رەوشەنبوونا جڤاکا مە بکە و مافێ وێ یێ نەتەوی بپارێزە. کارێ پارتییان، رێخستنێن سیاسی و سازییان جودا یە؛ لێ دکارن نوونەرێن خوە بۆ کۆنفەرانسێ رێبکن. سازییێن سیاسی د گەل بەرژەوەندییێن نەتەوی ژ بۆ کو ھەبوونا خوە یا رێخستنی بپارێزن بەرژەوەنییێن خوە یێن رێخست-پارتییێ بێھتر دھزرن و دپارێزن. رەوشەنبیر ژی د ڤێ قۆناخا سەخت و زەھمەت دە بەرژەوەندییێن نەتەوی، رزگارییا نەتەوی، یەکیتییا نەتەوی و رەوشەنبوونا جڤاکی سەر ھەر تشتی رە دگرن. رەوشەنبیرێن کورد د دەما نێزیک دە دکارن چ بکن؟ ب زانەبوونا کو گەلێ کورد ب ئاسیمیلاسیۆن و کۆمکوژییەکا مەزن ڤە بەرامبەری ھەڤە، ب پاراستنا یەکیتییا ناڤبەینا پارتییان دکارە ژ بۆ دۆزا نەتەوی یا ل ھەر چار پارچەیێن کوردستانێ پێش دکەڤە پشتەڤانییا ھێزا دەروونی و رامیاری بدە و د گەل ڤێ ژی دا د ناڤبەرا پارچە و پارتییان دە رۆلا پرێ پێکبینە. ژ بۆ ڤان پێشنیارێن مە ھەژمارتی و یێن ھین گرنگتر و لەزتر پێدڤی ب کۆنفەرانسێ ھەیە. ئەم پێشنیار دکن ئەو رەوشەنبیرێن ناڤێ خوە ل ژێر ڤێ بەلاڤۆکێ بنی یا ژ ئالییێ کۆمیتەیا ئامادەکار ڤە ھاتییە پێشکەشکرن، وەرن جەم ھەڤ، بجڤن و سازییا خوە پێکبینن.

 

کۆمیتەیا ئامادەکار یا دەستپێشخەرییا رەوشەنبیرێن کورد

٢٧.٠٢.٢٠١٦

Tevlîker

Hejarê Şamil
Hejarê Şamil

 Rojnamevan, endamê ÎRK  Berfirehî

Nivîsên Dawî

دامه‌زراندنی ده‌وڵه‌ت مافی تاكه‌ كه‌س و لایه‌نێك نیه‌ و ئه‌ركی سه‌رشانی هه‌موومانه‌ نه‌زهه‌ت حالی
Slider

دامه‌زراندنی ده‌وڵه‌ت مافی ..

07.04.2017 22:04    Rewşenbir

دامه‌زراندنی ده‌وڵه‌ت مافی تاكه‌ كه‌س و لایه‌نێك نیه‌ و ئه‌ركی سه‌رشانی هه‌موومانه‌ نه‌زهه‌ت حالی جێگای دڵگرانیە تائیستاش هه‌ندێ كه‌س هه‌ن له‌و كوردستانه‌ ، به‌ دروستی له‌ پێگه‌ و پایه‌ی به‌رزی ئێستای گه‌..

Bixwîne
      88
ڕۆژی زمانی دایک، ڕۆژی زمانی زگماکی:  بفەر دەزانم  لە ڕۆژی زمانی دایک دا کورتە باسێک لە ژیانی خۆمەوە بگێرمەوە کە هاوپەیوەندە بە زمانی دایکەوە: کاتێ مناڵ بووم زۆر ئارەزووم دەکرد پەرتووک و نووسراوەکان دە دەست وەردەم، بەتایبەت  کتێبی ئەرەبی (عەرەبی) لە تەمەنی
زمانناسی

ڕۆژی زمانی دایک، ڕۆژی زمانی..

21.02.2017 22:49    Maaf Barzani

ڕۆژی زمانی دایک، ڕۆژی زمانی زگماکی: بفەر دەزانم  لە ڕۆژی زمانی دایک دا کورتە باسێک لە ژیانی خۆمەوە بگێرمەوە کە هاوپەیوەندە بە زمانی دایکەوە: کاتێ مناڵ بووم زۆر ئارەزووم دەکرد پەرتووک و نووسراوەکان دە دەست وەردەم، بەتایبەت  کتێبی ئەرەبی (عەرەبی) لە تەمەنی حەوت هەشت ساڵیدا دەستم بە خوێندنەوە کرد، سەرەتا لە زمانی ئەرەب..

Bixwîne
      1428
ئه‌مریكا، كورد و داهاتووی سووریا
سیاسەت

ئه‌مریكا، كورد و داهاتووی س..

02.02.2017 16:54    Erdelan Goran

ئه‌مریكا، كورد و داهاتووی سووریا له‌ سه‌ره‌تای شه‌ڕی سووریادا ئیداره‌ی پێشووی ئه‌مریكا به‌ سه‌رۆكایه‌تی باراك ئۆباما وه‌كو پێویست رۆلی خۆی له‌ سووریا نه‌گێڕا، بۆیه‌ رێگا بۆ چه‌ند وڵاتێك وه‌كو ئێران، توركیا، رووسیا و وڵاتانی سوننه‌ مه‌زهه..

Bixwîne
      116